عشان انت مصرى .. عشان انت مصرى لازم تعانى وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى عشان انت مصرى العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عامللك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت عشان انت مصرى وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف مش انت اللى مصرى؟؟؟ جتك القرف.

قلب فارس

qalbfars@yahoo.com

أخيراً سمعنا صوت للحكام وصراحة ليتنا ما سمعنا،فمثل عادتهم ادانوا وأستنكروا،وشجبوا ورفضوا،وأصدروا بياناً وحملوا اليهود المسؤلية ،وطالبوا بتنفيذ الأتفاقيات الدولية، بل حتى هددوا اليهود تهديد شديد اللهجة،فطالبوها بوقف هجماتها وبالطبع طالبوا حماة اليهودية مثل اللجنة الرباعية ومجلس الأمن الدولي والأمين العام للأمم المتحدة، بالتدخل لوقف الأعتداء على المسجد الأقصى،وبالطبع لم تنسى الحكومة الأردنية متمثلة في وزارة الخارجية من أن تقوم بأستدعاء القائم بالأعمال الإسرائيلي في عمان ،وغالباً قامت بقرص أذنه وإظهار العين الحمراء غالباً لإلقاء الرعب في نفسه وبالتالي ربما يوصل هذا الرعب لحكومته مما يدفعها للإبتعاد عن المسجد الأقصى،وعدم تكرار هذه الفعلة مرة ثانية،وبالطبع قامت الحكومة المصرية بجعل الصمت شعار لها،فيكفيها بيان الجامعة العربية فليست المسأله بالبيانات كما يبدوا ولكن فلتنتظر حتى يضيع الأقصى ثم لعلها تتبنى بياناً منفرداً عن بيانات الجامعة العربية. ولأن كل يغني على ليلاه،فإن محمود عباس ومن معه قاموا بالغناء أيضاً،ولكن هذه المرة ليس على ليلاهم ولا على مسجدنا الأسير بل على عملية الخيانة والبيع المسماة بعملية السلام،وأعتبروا هذاالعدوان على مسجدنا نسف لعملية السلام المنسوفة مسبقاً،وبالطبع لم ينسوا إضافة إدانة لتجميل الصورة والأستغاثة بالمجتمع الدولي... أما الشارع العربي،على الرغم من بعض المظاهرات في سوريا،إلا أن الشعور العام هو أعتياد الناس على الإهانات وإعتبارها أمراً محزباً يستقبل بالصمت المعتاد إلا من رحم ربي... أما في القدس بجوار الأقصى،خرج الآلاف لحماية مسراهم،خرجوا ليصدوا أي هجوم ،ونحن مازلنا نشاهد،ونسمع صرخات الأقصى .. لك الله ياأقصى فقد خذلك المسلمون في كل الأرض ،لكم الله ياأهل الأقصى فقد تركناكم وحدكم في وجه هذا الأحتلال،ولكي الله ياأمة الأسلام إن لم تستيقظي من هذا الرقاد... مدونتي www.anamoshsakta.blogspot.com.

دودي التوابتي

dody_z@yahoo.com